All About Proverb In Khmer: June 2009

Tuesday, June 16, 2009

សុភាសិត(ផ្តើមពីអក្ស ទ)

១ ទឹកថ្លាល្គឹកបើល្អក់ ដ្បិតរលកបោកសោះសា
២ ទឹកជន់ បុណ្យស្ដេច
៣ ទឹករាក់ត្រឹមភ្លៅ ទឹកជ្រៅត្រឹមជង្គង់
៤ ទូកដាច់ យកទូកតាម
៥ ទឹកត្រជាក់ត្រីកុម ទឹកក្ដៅត្រីរត់ចេញ
៦ ទូកបែកជាទូកគត់ ទូកកំបុតជាទូកកង
៧ ទន្លេដប់ មិនស្កប់សមុទ្រមួយ
៨ ទូកយើងវែង ទូកគេខ្លី តាមគេម្ដេចទាន់
៩ ទឹកបាក់ទៅទាប ដីខ្ពស់កណ្ដៀរពូន
១០ ទឹកហូរមិនដែលហត់ ប្រុសស្បត់កុំឲ្យជឿ
១១ ទឹកហូរមិនដែលហត់ ព្រះពុទ្ធមិនដែលខឹង
១២ ទឹកហូរមិនដែលហត់ ស្រីសច្ចារ្យកុំឲ្យជឿ

សុភាសិត(ផ្តើមពីអក្ស ស)

១ សំដីជាឯក លេខជាទោល អក្សរជាត្រី
២ សរសើរតែមាត់ ចិត្តផ្ដន្ទា
៣ ស៊ីនឹងអ្នកណា ត្រូវយកអាសាអ្នកនោះ
៤ សប្បាយមានទុក្ខ ស្រណុកមានភ័យ
៥ សាបមួយដៃ ប្រៃមួចឹប
៦ សង់ផ្ទះតាមចិត្តអ្នកនៅ
៧ សង្ឈផ្គងវិន័យ ស្រីផ្គងមារយាទ
៨ ស្វែងរករៀនច្បាប់ ពុំស្មើចិត្តជា
៩ សត្វតុកកែស្លាប់ ដោយសារប្រើស
១០ សូវទូលក្ដីតបាវ កុំឲ្យទូលក្ដីតកញ្ជើ
១១ សីលជាស្ពាន ទានជាស្បៀង
១២ ស្ថិតស្ថេរឥតអំពើ បើមិនធ្វើអំពើល្អ

សុភាសិត(ផ្តើមពីអក្ស រ)

១ រៀនរិះរក្សាគ្រង យកចេញចាយដោយរដូវ
២ រោគរោមកាយា ថ្កើងឯគ្រូពេទ្យ
៣ រលំមិនបាច់ច្រាន បានមិនបាច់ខំ
៤ រហ័សតែពាក្យ ត្រគាកស្លាប់ស្ដូក
៥ រស់ក៏គាប់ ងាប់ក៏គួរ
៦ រទេះបាក់មិនគិត ទៅគិតឯគោលួចដាំង
៧ រត់ឥតអំពើ ដើរអំណត់ចម្រើនជាង
៨ រទីសរទាស ដូចរាស្រ្ដឥតស្ដេច
៩ រស់នៅថាអាក្រក់ ស្លាប់បាត់មុខថាល្អ
១០ រកព្រឹកខ្វះល្ងាច រកល្ងាចខ្វះព្រឹក
១១ រកស៊ីនឹងក្ដិត ដូចពីងពាង

សុភាសិត(ផ្តើមពីអក្ស ច)

១ ចុះទឹកក្រពើ ឡើងលើខ្លា
២ ចិត្តល្អ ក្រខ្លួន
៣ ចាប់នេះចាប់នោះ មិនឆ្ពោះត្រង់ណា
៤ ចង់ចេះឲ្យធ្វើល្ងង់
៥ ចង្អៀតផ្ទះនៅបាន ចង្អៀតចិត្តនៅពុំបាន
៦ ចាប់ច្រវាក្រាក សំឡឹងជ្រោយ
៧ ចេះឯងឲ្យក្រែងចេះគេ
៨ ចេះមកពីរៀន មានមកពីរក ក្រមកពីខ្ជិល
៩ ចូរមើលកាលវែង កុំមើលកាលខ្លី
១០ ចានមួយរាវ លែងអីរណ្ដំគ្នា
១១ ចិញ្ចឹមកូនខ្លា វាសងគុន
១២ ចាប់វល្លិមួយ រញ្ជួយដើម
១៣ ច្របាច់កចិន លានអណ្ដាតខ្មែរ
១៤ ចិត្តល្អ ក្រមិនយូរ
១៥ ចាស់អាងស្លាប់ ពាលអាងកាប់ ក្មេងអាងយំ
១៦ ចង់ស្រួចដូចបន្លា ត្រូវឧស្សារហ៍ដុសដែកដុល
១៧ ចាប់ត្រីបានកុំឲ្យល្អក់ទឹក
១៨ ចិត្តជាទេវទត្ត មាត់ជាទេវតា
១៩ ចិញ្ចឹមមនុស្សខូច ដូចចិញ្ចឹមកូនខ្លា

សុភាសិត(ផ្តើមពីអក្ស ប)

១ បើត្រាប់ឯតាំងយូ ក្រឯគ្រូពុំគួរត្រាប់
២ បើនឹងរស់ឪ្យគាប់ បើនឹងងាប់ឪ្យគួរ
៣ បើមិនជួយចូកចែវ កុំយកជើងរាទឹក
៤ បើប្រឹងនឹងស្រួច បាច់អីសម្រួចដូចបន្លា
៥ បណ្ឌិតមានការមិនរករឿងជាកម្លាំង
៦ ប្រើខ្ញុំមើលមុខវា ទោះកាចជាមើលឪ្យស្ដែង
៧ បើកក្ដោងទាន់ត្រូវខ្យល់
៨ បន់ព្រះទៅសំពះឯបាយាប
៩ បើឆីកុំតាមឃ្លាន មើលប្រមានគ្រប់គ្នីគ្នា
១០ បានតែបាប មិនឆ្អែតមាត់
១១ បើកាចៗឪ្យគេកោត បើឆោតៗឪ្យគេអាណិត
១២ ប្រមាថចាស់ អាយុខ្លី
១៣ បើស្ដីឪ្យពិនិត្យ ពាក្យណាពិតសឹងចរចា
១៤ បុរសទុកដូចមាស ស្រីទុកដូចទង់ដែង
១៥ បើត្រាប់សត្វក្ងោក កុំបីត្រាប់ពុតទន្សាយ
១៦ ប្រហែសបាត់ ប្រយ័ត្នគង់
១៧ បន់ព្រះ សំពះទេព្ដារ
១៨ ប្រមាត់ដី អួតចង់ឡើងទ្រើង
១៩ បួលដោយវត្ត ចិត្តដោយខ្លួន
២០ បញ្ញើទុក ស្មើបំណុល
២១ បើឭសូរផ្គរ កុំអាលចាក់ទឹកចោល
២២ បានពីក្អែក ចែកទៅតាវ៉ៅ
២៣ ប្រមាថម្ដាយ រំលាយព្រះ
២៤ បើក្រទ្រព្យក៏ក្រចុះ កុំឪ្យតែទាល់គំនិត
២៥ បានមាស ក្រអីនឹងក្រដាស់ខ្ចប់
២៦ ប្រះដេកឆាប់លក់ ត្បិតឥតបើគិត
២៧ បំណាច់នឹងបាប ឪ្យឆ្អាបមាត់
២៨ បើមិត្តមិនល្អ កុំយកជាមិត្ត
២៩ ប្រពន្ធបីដំរីបួន នាំឪ្យព្រួយចិត្ត
៣០ ប្រមាថព្រៀងលាន តែងមានក្ដីទុក្ខ
៣១ បុណ្យបាត់ដ្បិតបាប លាបបាត់ដ្បិតឃោរ

Thursday, June 4, 2009

ហោរាសាស្រ្តខ្មែរ(មើលគូរស្រករ រកស៊ី)

តម្រា សមពង្ស
សិទិ្ធការ្យ នឹងនិយាយអំពីតម្រាសមពង្ស ដែលហៅថា � វិវាហមង្គល � អោយបុរសស្ត្រី រួមមេត្រី ស៊ីចុកបុកទំពាជាមួយគ្នាបានបុត្រធីតា មានទ្រព្យភោគា យសស័ក្ដិ បរិវារ នោះលោកអោយមើលតម្រាសម ពង្ស ដូចតទៅនេះ ។

សមពង្ស ឆ្នាំកំណើត

* ទេវតាប្រុស នឹងទេវតាស្រី នៅជាមួយគ្នាល្អណាស់នឹងមានបុត្រជាទីស្រឡាញ់ ។
* ទេវតាប្រុស នឹងមនុស្សស្រី នៅជាមួយគ្នាជាមធ្យម នឹងមានបុត្រម្នាក់ ច្រើនកើតវិវាទទាស់ទែងគ្នា ព្រាត់ប្រាស់ទៅ ហើយទើបជួបជុំគ្នាវិញដូចកាលព្រះរាមនឹងនាងសេតា ។
* មនុស្សប្រុស នឹងទេវតាស្រី នៅជាមួយគ្នាល្អ នឹងមានកូនចៅ ដំបូងស្រឡាញ់គ្នា ក្រោយមកត្រូវ ព្រាត់ប្រាស់ ទីបំផុតទើបជួបគ្នាវិញ ដូចព្រះសុធន នឹងនាងកែវមនោរា ។
* ទេវតាប្រុស នឹងយក្ខិនី នៅរួមគ្នាជាមធ្យម នឹងមានបុត្រធីតា តែច្រើនទាស់ទែងខ្វែងគំនិត ប្រឆាំង រឹទ្ធិតែរៀងខ្លួន ។
* មនុស្សប្រុស នឹងមនុស្សស្រី នៅរួមគ្នាប្រសើរណាស់ ជាមហាបរមសុខ អាយុយឺនយូរ មានបុត្រធីតា កើតលាភផលច្រើន ។
* មនុស្សប្រុស នឹងយក្ខិនី នៅរួមគ្នាជាទីស្រឡាញ់ ពីដើមដៃដល់ចុងដៃ ត្រូវព្រាត់ប្រាស់ ដូចព្រះរថ នឹងនាងមេរី ។
* យក្ស នឹងមនុស្សប្រុស នៅរួមគ្នាមិនល្អ ដំបូងស្រឡាញ់គ្នាមានបុត្រ ក្រោយត្រូវព្រាត់ ដូចកាល កុ័ម្ពណ្ឌ នឹងនាងកេសរសុមន្ទា ។
* យក្ស នឹងយក្ខិនី នៅរួមគ្នាល្អ មានបុត្រធីតាច្រើន តែកើតទាស់ទែងខ្វែងគំនិតវិវាតគ្នាញយៗ ។

សមពង្ស អាយុ
* សិទ្ធិការ្យ បើចង់ដឹងសមពង្សរបស់បុរសស្ត្រីទាំងសង់ខាងនោះ លោកអោយយកអាយុអ្នកណាច្រើន តាមខាងលើ ហើយយកអាយុអ្នកតិច តាំងខាងក្រោយ រួចហើយត្រូវយកចំនួនទាំងពីរនេះសងនឹងគ្នាតាមវិធី លេខសង ឃើញចំនួនសល់ប៉ុន្មាន ត្រូវទាយដូចតទៅនេះ : បើសល់លេខ ១-២-៥-៩ នឹងស្រឡាញ់គ្នារហូត ដូចមាតាបិតា នឹងបុត្រធីតា ។
* សល់លេខ ៣-៤-៦ នឹងស្រឡាញ់ដូចមិត្តភក្តិកិច្ចការដទៃ ។
* សល់លេខ ៧-៨-១០ នឹងទាស់ទែងវាយដំគ្នាជាប្រាកដ ។
* សល់លេខ ១១-១២-១៣ នឹងច្រើនតែខ្វែងគំនិតជជែកគ្នារឿយៗ ។
* សល់លេខ ១៤-១៥-១៦ ច្រើនតែបាក់បែកព្រាត់ប្រាស់គ្នា ។
* សល់លេខ ១៧-១៨-១៩ នឹងកើតវិវាទជេររំលើកកេរ្តិ៍គ្នា ។

សមពង្ស នាគ
* សិទ្ធិការ្យ បើចង់ទាយតាមសមពង្សនាគ ប្រុសអោយរាប់ពីជូតមុន ចាប់តាំងពីក្បាលរាងទៅកន្ទុយ នាគ រហូតដល់ឆ្នាំកំណើត បើស្រីអោយពីកន្ទុយរាងមកក្បាលវិញ គឺរាប់ពីឆ្នាំជូតរហូតដល់ឆ្នាំកំណើតដូចគ្នា។ កាលបើឆ្នាំកំណើតនៅត្រង់ សូន្យណា ក្នុងរូបនាគណា អោយទាយដូចតទៅនេះ : បើនៅត្រង់ក្បាលនាគទាំងពីរនាក់ ខ្លួននាគជាមួយគ្នា ល្អណាស់ នៅរួមគ្នាសុខសប្បាយរហូតដល់ ចាស់ ហើយថ្កុំថ្កើងផង ។
* បើនៅត្រង់ក្បាលនាគទាំងពីរ ប៉ុន្តែខ្លួននាគផ្សេងគ្នា ទាយថាច្រើនតែបែកបាក់ព្រាត់ប្រាស់គ្នា មិន បានសុខសប្បាយទេ ។
* បើនៅត្រង់កន្ទុយនាគទាំងពីរនាក់ ខ្លួននាគជាមួយគ្នា ល្អដែរ នៅរួមគ្នានឹងសុខដុមរម្យនា តែនឿយ បន្តិច ។
* បើនៅកន្ទុយនាគទាំងពីរនាក់ ខ្លួននាគផ្សេងគ្នា មិនល្អឡើយច្រើនបែកបាក់គ្នា ។
* បើយនៅត្រង់កណ្ដាលខ្លួននាគទាំងពីរនាក់ រូបនាគជាមួយគ្នាទៀតទាយថា ល្អណាស់ មានទ្រព្យ សម្បត្តិច្រើន ។
* បើនៅត្រង់កណ្ដាលខ្លួននាគទាំងពីរនាក់ រូបនាគផ្សេងគ្នា មិនល្អទេ នៅជាមួយគ្នាមិនបានយឺនយូរ ឡើយ ។
* បើម្នាក់នៅក្បាល ម្នាក់នៅកន្ទុយនាគ រូបនាគជាមួយជាគ្នា ល្អបង្គួរ ។
* បើនៅត្រង់កណ្ដាលខ្លួនទាំងពីរនាក់ រូបនាគជាមួយ ហើយរូបសូន្យតែមួយ មិនសូវល្អ ស្រុះចិត្តគ្នា តែច្រើនមានទុក្ខ ។
* ទោះនៅកណ្ដាលក្ដី ក្បាលក្ដី កន្ទុយក្ដី អោយតែត្រូវលើសូន្យជាមួយគ្នា ក្នុងរូបនាគតែមួយ ទាយ ថា មិនល្អ នឹងមានទុក្ខ ។

សមពង្ស ធាតុ
* សិទ្ធិការ្យ បើចង់ដឹងសមពង្សធាតុ បុរសស្ត្រីទាំងពីរផ្នែកតើត្រូវគ្នា ឬ ខុសគ្នានោះ អោយមើលតាមធាតុកំណើតដូចតទៅនេះ : បើប្រុសធាតុទឹក ស្រីធាតុដែក នៅរួមគ្នា នឹងបានសុខកាយសប្បាយចិត្តត្រជាក់ត្រជុំ ។
* ប្រុសធាតុទឹក ស្រី ធាតុដី នៅជាមួយគ្នា នឹងមានសេចក្ដីស្រឡាញ់ទៅវិញទៅមកច្រើន ។
* ប្រុសធាតុទឹក ស្រីធាតុឈើ ល្អណាស់ នឹងបានបរិបូណ៌ដោយទ្រព្យសម្បត្តិច្រើន ។
* ប្រុសធាតុទឹក ស្រីធាតុភ្លើង ល្អដែរ ប៉ុន្តែច្រើនបៀតបៀនគ្នា ។
* ប្រុសធាតុទឹក ស្រីធាតុដី ល្អណាស់នឹងមាន យសស័ក្តិ ។
* ប្រុសធាតុដី ស្រីក៏ធាតុដី ប្រពៃណាស់នឹងមានបុត្រធីតា នៅរួមគ្នា អាយុយឺនយូរ ។
* ប្រុសធាតុដី ស្រីធាតុទឹក នៅរួមគ្នាមួយឆ្នាំ ទើបបានល្អ មានគេជួយឧបត្ថម្ភ ។
* ប្រុសធាតុដី ស្រីធាតុឈើ នៅជាមួយគ្នាមិនសូវល្អឡើយ ។
* ប្រុសធាតុដី ស្រីធាតុភ្លើង បានល្អចុងដៃ មានទ្រព្យច្រើន ។
* ប្រុសធាតុដី ស្រីធាតុដែក នៅជាមួយគ្នា នឹង មានកូន៧ នាក់ ។
* ប្រុសធាតុឈើ ស្រីធាតុឈើ មិនល្អទេ នៅរួមគ្នាគ្មានផលប្រយោជន៏អ្វីឡើយ ។
* ប្រុសធាតុឈើ ស្រីធាតុទឹក ល្អណាស់នៅរួមគ្នាបានសុខសាន្តមានភោគច្រើន ប៉ុន្តែចិញ្ចឹមកូនលំបាក ។
* ប្រុសធាតុឈើ ស្រីធាតុដី ស្រលាញ់គ្នាណាស់ប៉ុន្តែត្រូវព្រាត់ប្រាស់គ្នា ។
* ប្រុសធាតុឈើ ស្រីធាតុភ្លើង ល្អមានកូនប្រុសមុន តែច្រើនកំព្រា ។
* ប្រុសធាតុឈើ ស្រីធាតុដែក មិនល្អ នៅរួមគ្នាមិនបានយូរ ។
* ប្រុសធាតុភ្លើង ស្រីធាតុភ្លើង អភ័ព្វ ច្រើនតែព្រួយ ។
* ប្រុសធាតុភ្លើង ស្រីធាតុទឹក ដំបូងមិនសូវល្អ ដល់ក្រោយទើបល្អ អាយុយឺនយូរ ច្រើនឈ្លោះគ្នាដោយពាក្យសម្តី ។
* ប្រុសធាតុភ្លើង ស្រីធាតុដី នៅរួមគ្នា ៧ ឆ្នាំ ព្រាត់ ។
* ប្រុសធាតុភ្លើង ស្រីធាតុឈើ មិនល្អច្រើនទាស់វិវាទគ្នា ។
* ប្រុសធាតុភ្លើង ស្រីធាតុដែក មិនល្អ ស្វែងរកទ្រព្យមិនសូវបាន
* ប្រុសធាតុដែក ស្រធាតុដែក ល្អណាស់ នៅរួមគ្នានឹងបានត្រជាក់ត្រជុំ ។
* ប្រុសធាតុដែក ស្រីធាតុទឹក ល្អណាស់ នៅរួមគ្នានឹងបានត្រជាក់ត្រជុំ សុខកាយសប្បាយចិត្ត ។
* ប្រុសធាតុដែក ស្រីធាតុដី នៅរួមគ្នាល្អបរិបូរណ៌ដោយទ្រព្យ ។
* ប្រុសធាតុដែក ស្រីធាតុឈើ នៅរួមគ្នាល្អប្រពៃណាស់ នឹងបានយសស័ក្តិជាឃុននាង ។
* ប្រុសធាតុដែក ស្រីធាតុភ្លើង មិនល្អទេ ច្រើនតែទាស់ទែងជេរបញ្ចោរវាយដំច្រំធាក់គ្នា ។
* ឯធាតុមាសនោះ ចេះតែត្រូវគ្នាទាំងអស់ ហើយល្អគាប់ប្រសើរគ្រប់ៗឆ្នាំ ឥតរើសធាតុឆ្នាំណា ឬឆ្នាំណាឡើយ ។

គ្រឿងសំគាល់ប្រចាំថ្ងៃ ទាំង ៧

លេខ ១ សំរាប់ថ្ងៃ អាទិត្យ ។ លេខ ២ សំរាប់ថ្ងៃ ច័ន្ទ ។ លេខ ៣ សំរាប់ថ្ងៃ អង្គារ ។ លេខ ៤ សំរាប់ថ្ងៃ ពុធ ។ លេខ ៥ សំរាប់ថ្ងៃ ព្រហស្បតិ៍ ។ លេខ ៦ សំរាប់ថ្ងៃ សុក្រ ។ លេខ ៧ សំរាប់ថ្ងៃ សៅរ៍។

គ្រឿងសំគាល់ប្រចាំខែ ទាំង ១២

ខែ ១ សំរាប់ខែ មិគសិរ ។ ខែ ២ សំរាប់ខែ បុស្ស ។ ខែ ៣ សំរាប់ខែ មាឃ ។ ខែ ៤ សំរាប់ខែ ផល្គុន ។ ខែ ៥ សំរាប់ខែ ចេត្រ ។ ខែ ៦ សំរាប់ខែ ពិសាខ ។ ខែ ៧ សំរាប់ខែជេស្ឋ ។ ខែ ៨ សំរាប់ខែ អាសាធ ។ ខែ ៩ សំរាប់ខែ ស្រាពណ៍ ។ ខែ ១០ សំរាប់ខែ ភទ្របទ ។ ខែ ១១ សំរាប់ខែ អស្សុជ ។ ខែ ១២ សំរាប់ខែ កត្តិក ។

គ្រឿងសំគាល់ប្រចាំឆ្នាំ ទាំង ១២

លេខ ១ សំរាប់ឆ្នាំ ជួត ។ លេខ ២ សំរាប់ឆ្នាំ ឆ្លូវ ។ លេខ ៣ សំរាប់ឆ្នាំ ខាល។ លេខ ៤ សំរាប់ឆ្នាំ ថោះ ។ លេខ ៥ សំរាប់ឆ្នាំ រោង។ លេខ ៦ សំរាប់ឆ្នាំ ម្សាញ់ ។ លេខ ៧ សំរាប់ឆ្នាំ មមី។លេខ ៨ សំរាប់ឆ្នាំ មមែ ។ លេខ ៩ សំរាប់ឆ្នាំ វក ។ ខែ ១០ សំរាប់ឆ្នាំ រកា ។ លេខ ១១ សំរាប់ឆ្នាំ ច ។ លេខ ១២ សំរាប់ឆ្នាំ កុរ ។

ទំទាយពីគូស្រកររកស៊ី

បើចង់មើលគូស្រករថា នៅជាមួយគ្នា នឹងធ្វើជំនួញបានលទ្ធផលឬមិនបាន ត្រូវមើលតាមវិធីដូចតទៅនេះ :

ឧបមា ដូចជាប្រពន្ធ ថ្ងៃព្រហស្បតិ៍ លេខ៥ ប្ដីថ្ងៃអាទិត្យ លេខ១,៥បូកនឹង១ ត្រូវជា៦, យក៦គុណនឹង៣ ត្រូវជា១៨, ហើយចែកនឹង៧ ឃើញសេស ៤ ទាយថា នៅរួមគ្នា នឹងមានកិត្តិស័ព្ទ ។

បើថ្ងៃដទៃទៀត ចូររកវិធីតាមថ្ងៃប្ដី ប្រពន្ធ យកមកបូករួមគុណនឹង៣ ចែកនឹង៧ ឃើញសល់ប៉ុន្មាន ចូរទាយដូចតទៅនេះ :

សេស ១ ខ្សត់ទ្រព្យសម្បត្តិ ។ សេស ២ មានកិត្តិស័ព្ទ ។ សេស ៣ ទីទ័លក្រ ។ សេស ៤ ល្មមចិញ្ចឹមខ្លួន ។ សេស ៥ យ៉ាងខ្ពស់ណាស់ ត្រឹមទ្រមាក់សេះ ដំរី ។ សេស ៦ មានទ្រព្យសម្បត្តិច្រើន ។ សេស ៧ រកស៊ីដុះដាលវាលគុម្ពចំរើន ។

ថ្ងៃអាទិត្យ និងថ្ងៃអាទិត្យ មានសេចក្ដីក្ដៅក្រហាយ ។ ថ្ងៃ ច័ន្ទ និងថ្ងៃច័ន្ទ មានទ្រព្យសម្បត្តិ ។ ថ្ងៃ អង្គារ និងថ្ងៃអង្គារ ប្រពន្ធស្លាប់ចោល ។ ថ្ងៃ ពុធ ថ្ងៃពុធ ក្ដៅចិត្តដូចភ្លើង ។ ថ្ងៃ ព្រហស្បតិ៍ និងថ្ងៃព្រហស្បតិ៍ ល្មមចិញ្ចឹមខ្លួនបាន ។ ថ្ងៃ សុក្រ និងថ្ងៃសុក្រ នៅបានសុខត្រជាក់ត្រជុំ ។ ថ្ងៃ សៅរ៍ និងថ្ងៃសៅរ៍ រកស៊ីមានបាន ។

សមពង្សគូរស្រករ

ន័យ មួយទៀត កំលោះក្រមុំដែលបានគ្នាជាប្ដីប្រពន្ធថ្មីៗ បើចង់ដឹងថា នឹងមានសេចក្ដីសុខចំរើនអស់កាលជាយូរអង្វែងឬទេសូមមើលតាមសេសនេះ គឺលោកអោយយកអាយុរបស់គូទាំងពីរនោះ បូកផ្សំគ្នាយក៣គុណ ហើយយក៩ចែក ។

សេស១ មិនល្អ នៅជាមួយគ្នា នឹងក្ដៅក្រហាយជានិច្ច មកពីឈ្លោះប្រកែកគ្នា ។ សេស២ ល្អ នឹងមានទ្រព្យសម្បត្តិច្រើន ។ សេស៣ មិនល្អ នឹងមានជំងឺឈឺចាប់ជានិច្ច ។ សេស៤-៥-៦ ល្អ នៅជាប់គ្នារហូត ដល់អស់មួយជីវិត ថែមទាំងសេចក្ដីសុខចំរើនសំបូណ៍ទ្រព្យសម្បត្តិខ្ញុំកំដរទៀត ។ សេស ៨ មិនល្អ នឹងត្រូវប្រឆាំងគ្នានិច្ច បើមិនដូច្នោះទេនឹងចាកចោលគ្នាដោយហេតុផ្សេងៗ ។ សេស ០ មិនល្អ នឹងត្រូវស្លាប់គ្នាពីក្មេង ។

រកឫក្សថ្ងៃល្អដើម្បីធ្វើការមង្គល

ឫក្សខាងខ្នើត

ថ្ងៃ ១ កើត ការមង្គលល្អ ទៅផ្លូវគោកល្អ ផ្លូវទឹកមិនល្អឡើយ ។ ថ្ងៃ ២ កើត ធ្វើការមង្គល មិនល្អឡើយ ។ ថ្ងៃ ៣ កើត ធ្វើការមង្គល មិនល្អទេ នឹងស្លាប់ចាកគ្នា ទៅរកនាហ្មឺនល្អ ទៅលក់ដូរ នឹងមានលាភ ។ ថ្ងៃ៤ កើត ធ្វើការមង្គលល្អ ទៅផ្លូវគោកល្អផ្លូវទឹកមិនល្អឡើយ ។ ថ្ងៃ៥ កើត ធ្វើការមង្គលល្អ ទៅផ្លូវទឹកខូចខាតទ្រព្យផ្លូវគោកល្អ ។ ថ្ងៃ ៦ កើត ធ្វើការមង្គលល្អ ទៅផ្លូវគោកល្អ ផ្លូវទឹកមិនល្អឡើយ ។ ថ្ងៃ ៧ កើត ធ្វើការមង្គល មិនល្អឡើយ ។ ថ្ងៃ ៨ កើត ធ្វើការមង្គលល្អ ។ ថ្ងៃ ៩ កើត ធ្វើការមង្គលល្អណាស់ ទៅរកអ្នកធំមិនល្អឡើយ ។ ថ្ងៃ ១០ កើត ធ្វើការមង្គលល្អ អ្នកធំនឹងអោយលាភ ។ ថ្ងៃ ១១ កើត ធ្វើការមង្គលល្អសព្វយ៉ាង ។ ថ្ងៃ ១២ កើត ធ្វើការមង្គលមិនល្អ ទៅនៅទីដទៃនឹងមានលាភ ។ ថ្ងៃ ១៣ កើត ធ្វើការមង្គលល្អ ទៅលក់ដូរល្អណាស់ ។ ថ្ងៃ ១៤ កើត ធ្វើការមង្គលមិនល្អឡើយ ។ ថ្ងៃ ១៥ កើត ធ្វើការមង្គលល្អ ទៅលក់ដូរល្អ មានលាភព្រោះអ្នកធំ ។

ឫក្សខាងរនោច

ថ្ងៃ ១ រោច ធ្វើការមង្គលល្អ ទៅលក់ដូរល្អ ។ ថ្ងៃ ២ រោច ធ្វើកាមង្គលមិនល្អឡើយ ។ ថ្ងៃ ៣ រោច ធ្វើការមង្គលមិនល្អទេ កុំធ្វើ ។ ថ្ងៃ ៤ រោច ធ្វើការមង្គលល្អ ទៅរកនាហ្មឺន មិនល្អឡើយ ។ ថ្ងៃ ៥ រោច ធ្វើការមង្គលមិនល្អឡើយ ។ ថ្ងៃ ៦ រោច ធ្វើការមង្គលល្អណាស់ ។ ថ្ងៃ ៧ រោច ធ្វើការមង្គលល្អ ទៅរកនាហ្មឺនល្អ ។ ថ្ងៃ ៨ រោច ធ្វើការមង្គលមិនល្អទេ ទៅលក់ដូរល្អ ។ ថ្ងៃ ៩ រោច ធ្វើការមង្គលល្អ ទៅផ្លូវទឹកមិនល្អឡើយ ។ ថ្ងៃ ១០ រោច ធ្វើការមង្គលមិនល្អទេ នឹងឈឹចាប់ ។ ថ្ងៃ ១១ រោច ធ្វើការមង្គលល្អ ទៅលក់ដូរនឹងមានលាភ ។ ថ្ងៃ ១២ រោច ធ្វើការមង្គលមិនល្អទេ ទៅលក់ដូរមានជោគ ។ ថ្ងៃ ១៣ រោច ធ្វើការមង្គលល្អ នឹងបានជាធំ ។ ថ្ងៃ ១៤ រោច ធ្វើការមង្គល នឹងបានលាភ ។ ថ្ងៃ ១៥ រោច ធ្វើការមង្គលល្អ ទៅលក់ដូរនឹងមានលាភ ។

សុភាសិត(ផ្តើមពីអក្ស ផ)

១ ផ្លែឈើមិនដែលជ្រុះឆ្ងាយពីគល់
២ ផ្ទុករទេះតាមចំណុះ
៣ ផ្ទះធំស្រណុក ដ្បិតភរិយាជា

សុភាសិត(ផ្តើមពីអក្ស ង)

១ ងាប់ទាំងរស់ ស្អុយទាំងស្រស់
២ ងាប់នឹងសំដី ដូចត្រីកំភ្លាញ
៣ ងាប់ដៃជើង ថ្កើងជាងងាប់ពាក្យសម្ដី
៤ ងប់នឹងពាក្យ បង្អាប់ស្លាប់គំនិត
៥ ងប់នឹងញាតិ ឃ្លាតច្បាប់
៦ ងប់នឹងស្រា ខូចស្មារតី
៧ ងើយស្កក ឪនដាក់គ្រាប់
៨ ងាប់គំនិត ងងឹតដល់ស្លាប់
៩ ងប់នឹងមាសប្រាក់ ខូចយសសក្ដា
១០ ងាប់នយោបាយ ព្រោះស្ដាយលាភ
១១ ងប់នឹងជំនឿ រឿគំនិត
១២ ងប់នឹងប្រុស ខូចព្រហ្មចារី
១៣ ងប់នឹងប្រុស ខូចឈ្មោះមួយជាតិ
១៤ ងប់នឹងស្រី ចំណីទុក្ខ
១៥ ងប់នឹងស្រី ចង្រៃមួយជាតិ
១៦ ងាប់ខ្លួន សមសួនជាងងាប់កេរ្តិឈ្មោះ
១៧ ងាប់ជាតិ ព្រោះឃ្លាតសាមគ្គី
១៧ ងាប់ព្រោះគំនិត ដូចកាំបិតចិតដងឯង
១៨ ងប់នឹងពាក្យសរសើរ គេថាភ្លើ

សុភាសិត(ផ្តើមពីអក្ស ក)

១ កកក៏បាយ មេមាយក៏ស្រី
២ កុំអាងថា មានមិនបាច់ខំ បើរលំមិនបាច់ច្រាន
៣ កុំដេកចាំស្លាប់ អង្គុយចាំមាន

សុភាសិត(ផ្តើមពីអក្ស ដ)

១ ដេញទាន់កុំជាន់កែង
២ ដឹងឆ្លើយព្រោះដង កូនឆ្គងព្រោះមេបា
៣ ដើមនៅឯស្រែ ផ្លែនៅឯផ្សារ
៤ ដល់ត្រើយ សើយគូទ
៥ ដាក់ទុកកូនចៅ ឪ្យមើលផៅសន្ដាន
៦ ដេកផ្ងារស្ដោះលើទ្រូងឯង
៧ ដំរីខ្វាក់ ទ្រមាក់ឆ្កួត
៨ ដូលត្មោល ដូចគ្មានអីទប់
៩ ដេកលើភ្លៅ ទៅបៅដោះអ្នកដទៃ
១០ ដេកដល់ថ្ងៃ នាំចង្រៃខ្លួន
១១ ដឹងរង្គោះ បោះបណ្ដោយ
១២ ដេកមិនលក់កុំខំដេក
១៣ ដើរដោយផ្លូវគន្លង តម្រាយអ្នកចាស់បុរាណ
១៤ ដូច(ជាគេ) អូសឆ្កែឪ្យចុះទឹក
១៥ ដង្កូវចេញពីសាច់ ច្រែះចេញពីដែក
១៦ ដូចក្រពើ វង្វេងបឹង
១៧ ដៃតូច ខ្លួនទាប ចង់ឈោងចាប់ផ្កាយ
១៨ ដំបៅមិនឈឺ យកឈើទៅចាក់
១៩ ដេកផ្សំដួល រមួលផ្សំគ្រេច
២០ ដឹងបាំងតាមសាប់ ច្បាប់កាត់តាមពាក្យ
២១ ដេកមិនលក់ បក់មិនល្ហើយ
២២ ដោះកន្ទែក អារឹសកូន
២៣ ដួលមិនបាច់ច្រាន បានមិនបាច់ខំ
២៤ ដេកទាល់ថ្ងៃ យកកំជិលដែលគេ
២៥ ដឹកគោញី បន្សីគោលឈ្មោល
២៦ ដើរឪ្យមានបី ស្រដីឪ្យមានបួន
២៧ ដូចខ្វៀនកន្ទុយឆ្កែ ទោះនៅប្រែពត់ពុំត្រង់
២៨ ដុតឪ្យខ្លោច រោចឪ្យឆៅ
២៩ ដោះស្រាយប្រស្នា ថ្កើងអ្នកប្រាជ្ញ
៣០ ដឹងថាខ្លួនល្ងង់ គង់បានជាប្រាជ្ញ

សុភាសិត(ផ្តើមពីអក្ស ម)

១ មានល្អព្រោះរោម រូបឆោមព្រោះតែង
២ មនុស្សពាលមានការរករឿងជាកម្លាំង
៣ មនុស្សចេះគេថាកាច មនុស្សប្រាជ្ញគេថាព្រើល
៤ មនុស្សឆ្លាតគេថាឆោត មនុស្សប្រាជ្ញគេថាល្ងង់
៥ មនុស្សជាគេថាឆោត មនុស្សស្លូតគេថាល្ងង់
៦ មនុស្សកុំមើលងាយមនុស្ស
៧ មនុស្សកាចកុំប្រសព្វ កុំទៅគប់នឹងចោរក្មួញ
៨ មនុស្សស្លាប់ ព្រោះវាចា
៩ មានគំនិត ឥតកំណើត
១០ មាត់តែប្រកែក អម្រែកតែទទួល

Wednesday, June 3, 2009

សុភាសិត(ផ្តើមពីអក្សល)

១ លូកប្រហុក លូកឪ្យកប់ក្លៀក