កត្តញ្ញូ

កើតមកជាកូនអ្នកក្រីក្រ

គ្មានអ្វីលំអរអួតនឹងគេ

មានតែទឹកចិត្តជូនពុកម៉ែ

តបស្នងគុណទ្វេដល់រូបលោក ។

ព្រោះលោកជាអ្នកផ្តល់កំណើត

ជាអ្នកបង្កើតរូបកូនមក

រូបកូនបានរស់ព្រោះរូបលោក

កូនសែនវិយោគពេ

លលោកព្រួយ ។

ច្នោះហើយរូបកូនសូមលះបង់

ដោយចិត្តស្មោះត្រង់មានតែមួយ

បម្រើពុកម៉ែមិនឲ្យព្រួយ

កូនស្ម័គ្រចិត្តជួយគ្រប់វេលា ។

បើទោះជាកូនត្រូវនេឿយហត់

កូនស៊ូអំណត់មិនរួញរា

បម្រើរូបលោកគ្រប់វេលា

ស្មគ្រចិត្តបូជាឥតសោកស្តាយ ។

ឲ្យសមនឹងគុណលោកទាំងទ្វេ

ទ្វីបលោកកុំជេរកុំមាក់ងាយ

ថ្វីបើខ្ញុំតូចតូចត្រឹមកាយ

តែចិត្តធំឆ្ងាយគ្មានកំណត់ ។

ពុកអើយម៉ែអើយសូមចាំចុះ

កូននឹងប្រឹងឆ្ពោះដោយអំណត់

ស្វែងរកកោះត្រើយអនាគត

ជោគជ័យប្រាកដជូនពុកម៉ែ ។

ដោយភាពតស៊ូមិនសាបសូន្យ

ទឹកចិត្តជាកូនឥតប្រួលប្រែ

តបស្នងសងគុណលោកទាំងទ្វេ

បំពេញមុខម៉ែកូនកត្តញ្ញូ ៕

ដោយ ប៊ុន ពិសី